adjonction et tout le contenu en ces presentes ils facent enregistrer, chascun en droit soy, en leurs cours, auditoires et jurisdictions, et le tout entretenir et garder perpetuellement sans enfraindre. Et, afin que ce soit chose ferme et estable à tousjours, nous avons fait mectre nostre scel à ces presentes. Donné à Amboise, au mois d’avril, l’an de grace mil quatre cent quatre-vingt-trois et de nostre regne le premier. Sic signatum est super plicam : Par le roy, le conte de Dunoys, le sire de Mailly, le bailly de Meaulx, maistre Jehan Martin et autres presens."" dumont.
Lecta, publicata et registrata, Parisius, in Parlamento, vicesimâ-secundâ die Novembris, anno Domini millesimo CCCC.mo octuagesimo-quarto. Sic signatum : bonvallet. Collacio facta est.
[1] Confirmation des Priviléges des Habitans de la vicomté d’Auxonne et ressort de Saint-Laurent.[2]
Charles, &c. savoir faisons à tous presens et à venir nous avoir receue l’umble supplicacion de nos chiers et bien amez les manans et habitans de la viconté d’Auxonne et ressort de Sainct-Laurens ès pais de Bourgongne, contenant que par nos predecesseurs Ducs et Contes de Bourgongne, mesmement par feu nostre cousin Philippe, en son vivant Duc de Bourgongne, derrenier decedé, leur ont esté donnez, octroyez et confermez plusieurs beaulx privilleges, franchises, libertez, coustumes et usaiges anciens, desquels ils et leurs predecesseurs ont par cy-devant joy et usé, et joyssoient paisiblement à l’eure du trespas de nostredit feu cousin ; mais lesdits supplians doubtent que nos officiers ou autres les voulsissent ou veuillent, en la joyssance de leursdits privilleges, libertez, coustumes et usaiges anciens ou d’aucuns d’iceulx, mectre ou donner, au temps advenir, aucun destourbier ou empeschement, sans avoir sur ce nos lectres de confermacion, umblement requerant icelles. Pourquoy nous, voulans favorablement traicter lesdits supplians et les entretenir en leurs privilleges anciens, pour ces causes et consideracions et autres à ce nous mouvans, tous et chacun lesdits privilleges, franchises, libertez, coustumes et anciens usaiges dont lesdits supplians et leurs predecesseurs joyssoient et ont acoustumé joyr en ladite viconté d’Auxonne et ressort de Sainct-Laurent, au temps du trespas de nostredit feu cousin Philippe, en son vivant Duc de Bourgongne, derrenier decedé, avons louez, approuvez et confermez, et par la teneur de ces presentes, de nostre grace especial, plaine puissance et auctorité royal, louons, approuvons et confermons, pour en joyr par lesdits supplians et leurs successeurs si avant qu’ils en ont par cy-devant deuement joy et usé. Si donnons en mandement par ces presentes à nos amez et féaulx con-
- ↑ Trésor des chartes, registre 210, no 201.
Le même registre offre plusieurs concessions de foires et marchés, no 10, 26, 119, 123, 140, 143, 145, 146, 177, 202, 216. On en trouve d’autres encore données dans les mois précédens. Le registre 211 en offre quelques-unes aussi, et un assez grand nombre de lettres de noblesse, du mois d’avril 1483 ; et des mois de mai et juin 1484. Voir surtout les no 461, 514-525, 690. Des lettres de légitimation en faveur de Gérard Porson sont au même registre, no 530 et datées du mois de mai 1484.
- ↑ Charles VIII, à Amboise, Avril, 1483.
