632 Ordonnances des Rois de France
Roussiilon les en a privez et déboutez, iceulx supplians ont soustenu et soustiennent de jour en autres de grans peines, vexacions, travauls, ennuys et dommaiges, et n’ont aucune seureté de la joyssance de leursdits priviieiges• et pour ce, nous ont très-humblement supplié et requis que, actendu les concessions et octroiz d’iceulx leurs priviieiges, franchises et libertez par nous à eux leberalement concédés et octroyés , et que , depuis que avons prins et réduits en nostre main nostredite ville de Saint-Michel, lesdits supplians nous ont bien et loyaument servy sans varier ne tenir autre party que le nostre et sont toujours deliberez de ce faire, que ladite ville est située entre montaignes où il ne croist aucuns blez, et ne vivent la pluspart d’iceulx supplians que de l’art et industrie de navigage de la mer et de la pescherie, il nous plaise leur conserver leursdits priviieiges et les en faire paisiblement joyr, et, en tant que besoing seroit, les leur donner , concéder et octroyer de nouvel et les faire tenir francs, exemps, quittes et paisibles dudit droit de général et desdits quatre deniers pour livre de l’argent qu’ils porteront en Languedoc et autres parties de nostre royaume, soit pour marchandises ou pour leurs affaires particulières, et avec ce, leur octroyer que d’ores en avant ils puissent naviguer en leurs barques et fustes (a), et en icelles mener et remener dedans et hors nostre royaume, pays et seigneuries, toutes denrées et marchandises, tant celles qui sont de nostredite ville de Saint - Michel, comme celles qui seront ct appartiendront aux autres.marchands de nostredit royaume, pays et seigneuries , nonobstant les prohibicions faictes de par nous touchant les galeres de France, et sur tout leur benignement impartir nostre grâce et provision. Pourquoy nous, ces choses considérées , bien advertiz et memoratifs des priviieiges, franchises et libertez par nous donnez et octroyez à tous les manans et habitans de nostredite ville de Saint-Michel et des causes qui nous ont meu de ce faire, voulans iceulx priviieiges leur entretenir, accroistre et augmenter, et les en faire paisiblement joyr et favorablement traiter en tous leurs affaires , inclinans benignement à leurs prières et requestes en faveur de la bonne et grande loyauté qu’ilz ont tenue et gardée par vraye experience à nous et à la couronne de France, dont ils sont dignes de louange et retribucion, et pour autres grandes et raisonnables causes et consideracions à ce nous mouvans, avons tous lesdits privilèges, dons, franchises, exempeions, libertez, concessions et octroiz, ainsi par nous donnés, octroyés et concédés ausdits supplians, confermez, louez, ratifiiez, emologuez et approuvez, confermons, louons, ratifiions, emologuons et approuvons, et les leur avons donnez et octroyez, donnons et octroyons tout de nouvel par ces présentes ; et voulons et nous plaist que lesdits supplians à présent demourans et habitans en nostredite ville de Saint-Michel, et ceulx qui y vouldront venir demourer et habiter au temps avenir, joyssent et usent à tousjours-mais de tous lesdits privilèges, dons, exempeions, franchises et libertez qui par cy-devant leur avoient esté donnez et octroyez par lesdits Roys d’Arragon, tout ainsi et par la fourme et maniéré qu’ilz en ont joy et usé ez temps passez, et qu’ilz en joyssoient lorsque reunismes et mismes nostredite ville de Saint-Michel, paravant et vulgairement nommée Coulieure, en nostre main et obéissance, et pareillement qu’ilz joyssent franchement , plainement et paisiblement par tout nostre royaume, pays du Daulphiné et autres noz pays, terres et seigneuries, de telz et semblables privilèges, franchises et libertez, comme font et ont Note.
(a) Navires.
acoustumé
