D F. LA TROISIÈME R A C E. 623
Premièrement. Que chacun an seront eslcus par les maistres dudit mestier Je texier en linge , quatre d’entre eulx qui auront la charge défaire, pour ung an, les visitations et autres charges dont cy-après sera touché , lesquels seront présentés à Monseigneur le Bailly de Touraine ou son lieutenant, et feront serment de justement eulx gouverner en la visitation dudit mestier, et entretiendront les ordonnances d’icellui, et les faultes qu’ils y trouveront les revelleront à justice.
(2 ) Item. Et qui vouldra lever ouvrouer ou estre maistre pour besoigner ou entreprendre besoingne en ladite ville de Tours et banlieue, sera expérimenté par les maistres et présenté à justice , fera un chief-d’œuvre en l’ostel d’un des jurés d’icelle année, c’est assavoir, l’aune (a) et la piece de besoigne (b), dont de ladite piece sera payé ledit compaignon au pris d’ouvrier, pour cause que plusieurs reffusent à les payer, et payera ledit compagnon qui sera passé ung escu au Roy, ung escu à la frarie (c) de l’Adnunciation de Notre-Dame, tenue ches les freres mineurs, et vingt sols aux jures lesquels auront la peine de lui bailler chef-d’œuvre , et vingt sols pour le disner des jurés et de deux ou trois autres maistres lesquels auront la peine de visiter ledit chef-d’œuvre ; et si aucun fait le contraire des choses dessus dites , avant qu’il soit présenté à justice par lesdits jurés , payera trente sols tournois d’amende , à appliquer le tiers au Roy , le tiers à la frarie et le tiers aux jurés.
(g) Item. Et tout fils de maistre qui vouldra lever ouvrouer et estre passé maistre d’icelui mestier, fera seullement un chief-d’œuvre en l’ostel d’un des maistres jurés de l’année, et paiera dix sols tournois au Roy et dix sols à la frarie, et à disner aux quatre jurés.
(4) Item. Tous maistres dudit mestier tenans ouvrouer paieront à ladite frarie vingt deniers tournois par an, pour l’entretennement du service et ornemens.
(/) Item. Tous compaignons, lesquels n’auront jamais besoingné dudit mestier en cestedicte ville et banlieue de Tours, payeront vingt deniers tournois à leur première venue, une fois payés, et sera tenu le maistre de leur faire payer , ou le payer pour eulx.
(tf) Item. Si aucun desdits compaignons estoit destenu de maladie en telle maniéré qu’il ne peust besoingner dudit mestier , tous les maistres de ladite ville et banlieue lui donneront chacun ung denier tournois une fois payé. (y) Item. S’il advenoit que aucun dudit mestier, soit maistre ou compaignon, allast de vie à trespas en ladite ville et banlieue , et il fust si pauvre qu’on ne trouvast aucuns lieu pour sa sépulture , les procureurs de ladite frarie lui feront dire une messe aux despens d’icelle frarie, et aura quart des cierges icelle frarie, pourveu que on puisse faire au curé de la paroisse où tel pauvre seroit en sépulture, que lesdits cierges soient remis à ladite frarie après ladite messe celebrée.
(8) Item. Femme veufve d’aucun maistre dudit mestier pourra tenir ouvrouer et faire ouvrer ct besoingner dudit mestier, tant comme elle sera veufve ; et si elle convolle à secondes nopces avecques homme qui ne soit maistre dudit mestier , elle ne pourra plus tenir ouvrouer dudit mestier. Notes.
(a) Aune signifie quelquefois , dans notre (b) Besoigne est ici pour tache ( la tâclie ancien langage, l’action d’unir ensemble tout imposée, j Ce qui doit concourir à une œuvre , à un tra- (c) C onfrérie en préparer ou en former le résultat.
Louis XI,
à Tours,
Mai 1 B1 -
