DE LA TROISIÈME RàCE.
499
(a) Lettres du Roi concernant les Marchands de Castille trafiquant en France.
LOYS, par la grâce de Dieu, Roy de France ; savoir faisons à tous presens et advenir, nous avoir receu la supplicacion des marchands du royaume de Castelle frequentans et exerçans fait de marchandise en nostre royaume^, contenant que par plusieurs de nos predecesseurs Roys de France leur ont esté donnez, baillez et octroiez certains privilèges, franchises et libertez, lesquelz leur ont esté subsecutivement par nosdits predecesseurs confermez, approuvez et entretenuz, et dont ilz ont joy et usé, et mesmement du temps de feu nostre très-cher seigneur et pere, que Dieu absoille ; et, à ceste cause, ilz nous ont fait supplier et requérir que iceulx privilèges, franchises et libertez nous leur vueillons aussi confermer pour tous ceux de la nacion d’Espaigne qui, du temps de nostre feu seigneur et pere, en joissoient, selon et ainsi que le contiennent les Chartres et lectres qu’ilz en ont sur ce eues et obtenues de nosdits predecesseurs, dont ilz nous ont fait apparoir par le vidimus d’icelles, duquel la teneur est telle : Louis XI,
au
Plessis du Parc,
Septembre
- 479-
A tous ceulx qui ces présentes lectres verront et orront, Helies Boutin (c), garde du scel royal establi aux contraulx en la ville de la Rochelle, pour le Roy nostre sire, salut. Savoir faisons que, le septiesme jour du mois de juing, l’an mil cccc cinquante-deux, Aymeri Rabeau, clerc notaire et juré de la court dudit scel, nous tesmoigna et relata avoir veu et leu mot à mot unes lectres du Roy nostredit seigneur, scellées de son grant scel en laz de soye et cere vert, ausquelles lectres est attachée la copie faicte en la chambre des comptes à Tours de unes lectres du Roy nostredit seigneur adroissans à noz seigneurs des gens des comptes dudit seigneur audit lieu de Tours, et unes autres lectres de nozdits seigneurs les gens des comptes d’icelui seigneur ordonnez audit lieu de Tours soubz l’un de leurs signetz en cere rouge, avec trois autres de leursdits signetz aussi en cere rouge plaquez en la marge de bas desdites lectres, avec autres lectres des generaulx conseilliers ordonnez pour le Roy nostre sire sur le fait et gouvernement de toutes ses finances, tant en Languedoil comme en Languedoc, soubz l’un de leurs signetz en cere rouge, avecques deux autres de leursdits signetz en cere rouge, aussi plaquez en la marge de bas desdites lectres ; et aussi avons veu et de mot en mot perleu unes lectres de monseigneur le gouverneur de ladite ville de la Rochelle, scellées du scel dudit gouvernement, exécutoire des lectres et attaches dessus mentionnez, le tout sain et entier sans avoir aucune suspection, desquelles lectres royaulx et attaches, et aussi dudit exécutoire (d) exécuté desdites lectres royaulx et attaches par dedans ledit exécutoire incorporées, pour ce que lesdites lettres royaulx et attaches sont premièrement incorporées en cesdites présentes lectres et qu’il n’est point besoing de les incorporer deux fois, la teneur s’ensuit : Notes.
(a) Ordonnances de Louis XI, vol. F,
Hify. Collationné avec le n.° 1014, Chartes delà Ch. des comptes, aux arch. du royaume. Tom XVIII.
(b) De France. Chamb. des c.
(c) Hutin. Chamb. dés c.
(d) Desdites lectres exécutoires. Ch. des c» Rrr ij
