46o Ordonnances des Rois de France
et occuper, lequel chastel lesdicts habitans qui s’estoient retraiz dedans icellui gardèrent lors ct deffendirent de tout leur pouvoir à l’encontre desdits ennemis, lesquels, non contens dudict assaut t , boutèrent le fcu en toutes les maisons de ladicte ysle et la gasterent et destruisirent avecques la greigneur (a) partie des vignes d’icelle, et prindrent, ravirent et emportèrent tous les biens que ilz trouvèrent en ladicte ysle, tellement que lesdietz habitans sont si grevez et apovriz que grant nombre d’iceulx s’en sont partiz et partent chascun jour par povreté. Et en oultre , lesdicts habitans ont esté en telle perplexité et nécessité de vivres, par fortune et orage de temps et elevacion de la mer, que nagueres a esté tellement surmonté les terres et marois^é^ de ladicte isle, que, tant en sel et bestes comme autres choses, lesdicts habitans à présent demourans en icelle ysle ont presque tout perdu le résidu de leursdicts biens , parquoy grant partie d’iceulx ont esté en voye de mourir de faim par aucun temps. Et combien que ès autres ysles voisines de ladicte ysle de Nermoustier et par especial ès ysles des Yeulx, de Boing ct aucunes autres estans ou pays de Poictou et en frontière, comme en ladicte ysle de Nermoustier, n’ayent cours les aides et subvencions quelzconques ayans cours en nostre royaume pour le fait de la guerre, nonobstant le gouverneur de la Rochelle et receveur, les esleus et receveur sur le fait des aides au pays et aucuns autres eulx disans commissaires de par nous en ceste partie ou autrement, se sont efforcez et efforcent de jour en jour, de moictié, sus cueillir et lever en ladicte ysle lesdictes aides et de contraindre ou faire contraindre lesdicts habitans demourans à présent en icelle à les paicr et contribuer à iceulx, et pour ce les traictent ct demenent (c) tellement chascun jour que ilz sont sur le point d’eulx partir de ladicte ysle ct icelle laisser inhabitée et vuide, parquoy le chastel de ladicte ysle, qui est l’un des plus fors, espacieux, notables et anciens de toute la contrcc et du pays d’environ, et où il chiet (d) très-grant garde, seroit en péril d’estre prins et occupé par lesditz ennemis, qui seroit la destruction de tout le pays de Poictou et de Xaintonge, esquelz pays ladicte ysle et autres ysles dessusdictes sont confrontans et assises, et dont, pour occasion de ce, très-grans dommages et inconveniens se pourroient ensuivre en nostre royaume et à la chose publique d’icellui, si comme ilz dient, requérant que, ces choses considérées et les immemorables pertes et dommages que lesdicts habitans ont souffert et souffrent chascun jour, comme dit est, et que, de tous temps anciens qu’il n’est mémoire du contraire, iceulx habitans et leurs predecesseurs ont esté exempts de contribuer aux aides dessusdictes, observant que esdictes autres ysles voisines de ladicte ysle de Nermoustier, estans au pays de Poictou et pareille frontière comme elle est, n’ont eu et ne ont aucun cours les aides et subvencions dessusdictes , nous sur ce leur veuillons pourveoir de nostre grâce. Savoir faisons que nous, eue consideracion aux choses dessusdictes, et affin que ladicte ysle ne soit depopulée et demoure inhabitée, ausdicts supplians avons octroyé et octroyons, de grâce especial, par ces présentes, que d’ores en avant lesdicts habitans de ladicte ysle de Nermoustier soient et demeurent quictes de contribuer aux aides imposées ou à imposer en nostre Notes.
(a) Plus grande.
(b) Marécages.
(c) Tourmentent.
(d) U est nécessaire d’avojr.
