DE LA TROISIÈME R A C E. 4^9
années precedentes, comme dit est, qu’ils continuent icelle creue et vendent tout le sel qui est et sera en vente esdits greniers durant ledit temps de six ans à laditte creue de quarante sols tournois pour muy, et les deniers qui en ysteront payent et baillent audit du Terme ou à ses commis, par ses quittances seulement, pour iceux convertir par ledit du Terme audit payement des gaiges desdits officiers, le tout selon et en ensuivant le contenu esdittes lettres et que le Roy nostredit seigneur le veult et mande par icelles. Donné soubi nosdits signe t^, le tiers Jour d Avril, l’an mil quatre cent soixante-dix-huit, avant Pasques. Signé Disoine. (a) Privilèges de l’île de Noirmoutier. LOYS, par la grâce de Dieu, Roy de France ; sçavoir faisons à tous presens et advenir, nous avoir receu l’humble supplication de noz chiers et bien amez frere Guitte Ysore, prieur du monastère de Saint-Phillcbcrt de Nermoustier , assise en nostre bas pays de Poictou , sur les extremitez de la mer, au diocese de Luçon, et des manans et habitans de ladicte ysle de Nermoustier, contenant que jà pieçà et dès le dixiesme jour de may mil cccc trente et ung furent obtenuz certains privillegcs de feu nostre cher seigneur et pere, que Dieu absoille, esquelz sont incorporez autres privilleges de feu nostre ayeul son pere, faisans mencion des exempeions octroyées à iceulx supplians par nostredict ayeul et pere, desquelles et de la verificacion et expedicion d’icelles la teneur s’ensuit : Charles, par la grâce de Dieu, Roy de France, à tous ceulx qui ces présentes lectres verront, salut. Savoir faisons que, oye par nous l’umble supplicacion de nostre cher et féal cousin, conseiller et chambellan, George seigneur de la Tremoille, de Craon, de Suly et de l’ysle de Nermoustier, et des povres manans et habitans de ladicte ysle, hommes et subgetz de nostredit cousin, consors en ceste partie, contenant que feu nostre très-cher seigneur et pere, cui Dieu pardoint, par l’advis de son Conseil et pour les causes plus à plain contenues ès lectres de nostredit feu seigneur et pere, desquelles la teneur est telle : Charles, par la grâce de Dieu, Roi de France, à tous ceux qui ces présentes lectres verront. Oye la supplication de nostre amée et fealle cousine la dame de Craon et Suly, et de nostre amé ct féal chevalier et chambellan Guy sire de la Tremoille, et des habitans de l’yslc de Nermoustier, hommes et subgectz des dcssusdicts, contenant que comme ladicte ysle soit tout environnée de mer et en frontière de noz ennemis, tellement que toutes et quantes fois qu’il leur a pieu et plaist ils ont peu ct peuvent venir et arriver en icelle par jour et par nuit, laquelle chose ilz ont fait plusieurs foiz, et mesmement, depuis peu de temps en çà, iceulx ennemis ont amené jusques au nombre de sept vingts vaisseaulx d’armes, esquelz ilz sont arrivez et descenduz en grant nombre en ladicte ysle, et de fait ont assailli et donné plusieurs grans et terribles fcsaulx aux chastel et forteresse d’icelle, en iceulx efforçant de les prendre Note.
Louis XI,
au Plessis
du
Parc-Iès-Tours,
le 20 Mars
1478.
Louis XI,
au
Plessis du Parc,
Mars 1478»
Lettres de
Charles VU,
à Poitiers,
le 10 Mai 143 *•
Charles VI,
à Paris,
le 25 Octobre
1392.
(à) Trésor des chartes, registre 224» n.° 10. Tome XVIII.
Mm ni ij
