DE LA TROISIEME Race. 443
aux contrats, establie de par nous en notredite ville et cité de Xaintes et Paracoul de Xaintes, par les mains des fermiers dudit scel et par leurs simples quittances, sans ce que besoin leur soit en avoir ne recouvrer chascun an déchargé ne autre acquit, à la charge toutesvoyes de entretenir ledit cierge de cire ardant devant ledit corps saint jour et nuit continuellement. Et, pour ce que laditte ferme a accoustumé estre toujours baillée et affermée chascun an, afin que lesdits religieux, prieur et couvent puissent mieux et plus aisement estre payez de laditte rente, nous voulons que iceulx religieux, prieur et couvent puissent d’ores en avant, en leur nom, faire crier et publier ladite ferme, et icelle, en prcsence de nos officiers , bailler et livrer aux plus offrans et derniers enchérisseurs, et contraindre et faire contraindre les fermiers d’icelle ferme à leur payer et bailler chascun an des premiers et plus clers deniers d’icelle ladite somme de vingt livres tournois par leurs simples quittances, aux termes en tel cas acostumés ; et l’autre plus.de ce que pourra monter et valoir la ferme dudit scel, lesdits fermiers seront tenus payer et baillier à notre receveur ordinaire de Xaintonge, qui sera tenu en faire recepte à notre prouffit. Et en oultre, pour ce que lesdits religieux, prieur et couvent ont ja, comme dit est, entretenu par long tems et font encore ledit cierge ardant sans avoir esté entièrement payez desdites vingt livres tournois de rente à eulx pour ce ordonnées, nous à iceulx avons octroyé et octroyons que jusques au tems et terme de six ans prochains venans ils ayent et preigncnt entièrement tout le revenu, prouffit et esmolument d’icelle ferme dudit scel, jusqu’à la valeur et estimation de trente livres tournois par chascun an, si tant se peut monter. Si donnons en mandement à nos amez et féaulx gens de nos comptes et trésoriers à Paris, au seneschal de Xaintonge, prevost de Xaintes et de Paracoul, et à tous nos autres justiciers et officiers ou à leurs lieutenans, presens et advenir, et à chacun d’eux si comme à lui appartiendra, que de nos presens voulonté, ordonnance et choses dessusdittes et chacune d’icelles ils fassent, seuffrent «laissent lesdits religieux, prieur et couvent de Saint-Eutrope de Xaintes, et leurs successeurs audit couvent, joyr et user perpétuellement, pleinement et paisiblement, soubs les conditions et en la maniéré dessus declairées ; et en rapportant ces présentes signées de notre main, ou vidimus d’icelles fait soubs scel royal pour une fois, et quittance desdits religieux, prieur et couvent sur ce suffisant tant seulement, nous voulons laditte somme de vingt livres tournois de rente, par chascun an, après lesdites six années prochaines passées, et durant icelles tout le revenu, prouffit et esmolument d’icellc ferme , jusqua ladite somme de trente livres par an, estre allouée ès comptes et rabattue de la recette de notredit receveur ordinaire de Xaintonge, présent et avenir, par nosdits gens des comptes, auxquels nous mandons ainsy le faire sans difficulté, car ainsy nous plait-il estre fait, non obstant quelconques ordonnances, restrinctions, mandemens ou defïènses à ce contraires. Et, afin que ce soit chose ferme et estable à tousjours, nous avons fait mettre nostre scel à cesdites présentes , sauf en autres choses notre droit et l’autrui en toutes. Donné aux Forges près Chinon, au mois de Janvier, Van àe grâce mil quatre cent soixante dix-huit, et de notre regne le dix-huitiesme. Signé LOYS. Et scellé.
❖
Louis XI,
aux Forges
près Chinon,
Janvier i47&’
Tome XVIII.
K k k ij
