4*4
Ordonnances des Rois de France
Louis XI,
Juillet 1478-
(*) Statuts des Carriers et Plâtriers de la ville de Rouen. LOYS, par la grâce de Dieu, Roy de France, à tous ceulx qui ces présentes lectres verront, salut. Reçue avons l’umble supplicacion des gardes, maistres et ouvriers du mestier de plastrerie de nostre ville de Rouen, contenant que, pour obvier aux fraudes et abuz qui se pouvoient commectre au mestier et marchandise dudit mestier de plastrerie au préjudice de la chose publique de nostredite ville et pays d’environ, tant en général comme en particulier, et icelles fraudes et abuz réprimer et restraindre afin que la chose publique en soit mieulx servie, ont esté despieçà faictes et aussi depuis naguerres certaines ordonnances sur le fait et industrie dudit mestier, pour donner ordre et police aux marchands et ouvriers d’icelluy, par les maires qui par cy-devant ont esté et par les baillifs dudit Rouen, lesquelles sont plus à plain contenues et déclarées ès lectres faictes et données soubz le scel du bailliage de Rouen, le premier jour de juing dernier passé, contenans la forme qui s’en suit : A tous ceulx qui ces présentes lectres verront, Jacques de Croismare, lieutenant général de noble homme Jehan de Montespedon, escuicr, seigneur de Beauvoir et de Basoges, conseiller chambellan du Roy nostre sire, et son bailly de Rouen, salut. Comme dès long-temps a, et au temps que la police de la ville de Rouen estoit en la main des maires d’icelle, iceulx maires eussent fait plusieurs ordonnances sur le fait et gouvernement du mestier de plastrerie et marchandise de piastre, afin que les édifices et ouvraiges fussent duement et bien faitz, en especiale en monstroient les gardes, maistres et ouvriers dudit mestier de plastrerie trois anciennes lectres, l’une donnée de Robert de Lannoy, maire de Rouen, l’an ccc quarante, le xxix.c jour d’avril, une autre de Thomas du Bost, aussi maire de Rouen, l’an ccc xlv, le xiij.c jour de janvier, et les tierces et dernicres, données de Vincent du Val-Richer, pareillement maire de Rouen, le mcrcredy après la Saint-Matias, l’an mil ccc xlvij ; desquelles troys lectres la teneur s’en suit :
A tous ceux qui ces lectres verront ou oiront, Robert de Lannoy, maire de Rouen, salut. Comme au temps que Guillaume de Saint-Lyenard fut maire de Rouen, l’an de grâce mil cc iiijxx et dix, le samedy après Pâques Nostre-Seigncur, eust esté faicte une ordonnance au mestier de plastrerie cn la manière que ensuit ; c’est assavoir, que les plastriers doivent avoir gardes en leur mestier qui doivent prendre garde que nul ne cuise piastre en son hostel qui n’ait bonne et seure plastrerie pavée ; et si, doivent prendre garde que nul ne mesle avec le piastre fors le pur piastre, ne en plastrerie ne en l’ouvraige, et mesmement en euvre qui soit faicte en tasche ; et si, doivent prendre garde que les mesures de quoy Ion mesure le piastre soient bonnes et loyaulx, et doit chacun ouvrer de bon piastre et de loyal.
Note.
(a) Trésor des chartes, registre 206, pièce 1038.
