l ouis XI,
au Plessis
du
Parc-Iès-Tours,
le 8 Janvier
>4-5-
Louis XI,
au Plessis
du
Parc-Iès-Tours,
le i 8 Janvier.
170 Ordonnances des Rois de France
délibération estre mise à exécution et sortir son plein et entier effet, confiant à plein de vos sens, prud’liommie, loyauté, expérience et bonne diligence, vous avons commis, ordonné et député, commettons, ordonnons et députons commissaire de par nous en notre ville d’Amiens, et vous avons donné et donnons par ces présentes plein pouvoir, autorité, mandement, faculté, commission et puissance especiale, de contraindre toutes les personnes que trouverés et sçaurés venans de ladicte cour de Rome, passans par notredicte ville d’Amiens et autres lieux voisins, portant lettres closes ou patentes, bulles ou autres escritures, a les vous montrer et exhiber, et icclles voir et visiter pour savoir si elles sont aucunement contraires et préjudiciables à nous et à ladicte esglise gallicane ; et au cas qu’en trouverés aucunes qui y fussent contraires ou préjudiciables, prenés-les et retenés par-devers vous, et les porteurs arrestés, et les constitués prisonniers, si vous voyés que la matière y soit subjecte, et du contenu esdictes lettres nous advertirés ou les nous envoyerés à toute diligence pour y donner le remede (aj nécessaire et tel que le cas le requerra. Et, afin que aucun ne puisse prétendre cause d’ignorance du contenu en ces présentes, faites les lire, crier et publier en nostredicte ville d’Amiens et autres lieux voisins où verrés estre expedient et nécessaire, et s’aucuns, après ladicte publication, sont trouvés faisant le contraire, faictes en ou faictes faire telle punition que le cas requerra (b), et que ce soit exemple à tous autres, car ainsi nous plaist-il estre faict, nonobstant oppositions ou appellations quelconques , pour lesquelles ne voulons estre différé en aucune maniéré. Mandons et commandons à tous nos justiciers, officiers et subjects, que à vous, vos commis et députés, en ce faisant, obéissent et entendent diligemment, prestent et donnent conseil, confort, ayde et prisons, si mestier est et requis en sont. Donné au Plessis du Parc-Iès-Tours, le huitième jour du mois de Janvier, l’an de grâce mil quatre cent soixante-quinze, et de nostre regne le quinzième. Sic signatum ; Par le Roy, en son Conseil, auquel estoient 1‘Archevesque de Lyon, les sires de Beau}eu, de Montaigu, d’Argenton, de Bouchaige, maistre Jean Bourre, trésorier, et autres présents. Sic scriptum (c) : de Chaumont (d). Monsieur de Gaucourt, pour ce que je say bien que vous estes ung grant clerc, et que vous vous cognoissez en matière de bénéfices, je vous envoie une commission pour les bulles et autres lectres qui viendront de court de Romme en l’eveschié dAmiens et ès marches de pardelà : je vous prie, tant que je puis, que vous me y servez, ainsi que j’en ai en vous ma fiance ; et quant il y aura chose qui requierre que j’en soye adverti, faictes le moy savoir, et faictes publier vostredicte commission en parlement, ou ailleurs où verrez qu’il sera nécessaire. Escript au Plessiz du Parc, le xviij.’ jour de Janvier. Sic signatum, LOYS, et de Chaumont. Et supra dorsum est scriptum : A nostre amé et féal conseillicr et chambellan le sieur de Gaucourt (e).
Notes.
(a) La provision. Vol. F, et Font. (d) Collatiofacta est cum originali. Vol. b. (b) Qui au cas appartiendra. Vol. F, et Font. (c) Registre F, fol. 37. (c) Signatum. Vol. F.
