Louis XI,
à Amboisc,
le i.,r Novem.
i46i.
178 Ordonnances des Rois de France
fuerunt, ne eis et processibus in curia ad causam comitatus Bellifortis de qtl0 in his litteris fit mentio pendentibus, aliquod afferat prejudicium. Actum in Parlamento, die sextâ Julii, anno Domini millesimo cccc sexagesimo secundo. Collacio facta est. Cheneteau.
Échange, et Réunion au domaine de la Couronne, de la seigneurie de Montrichard en Tour aine (a).
LOYS, par la grâce de Dieu, Roy de France, à tous ceux qui ces présentes lectres verront, salut. Comme après nostre nouvel advenement à la couronne , et que avons receu nostre saint sacre et fait nostre entrée en nostre ville de Paris, et pourveu aux offices et à aucunes affaires de nostre royaume, nous nous soyons transportez et rendus en nos ville et chaste ! d’Amboise, où nous avons intencion de demourer et séjourner par aucun temps en la compaignie de nostre très-chiere et très-amée compaigne la Royne, considerans que les seigneuries dudit lieu d’Amboise et du lieu de Montrichart sont belles et grandes seigneuries en chacune desquelles y a belles et fortes places contiguës et joignans l’une de l’autre, situées et assises en plaisant et fertil pays, ayons, tant pour nostre plaisir, comme pour i’augmentacion du domaine de nostre duché de Touraine, auquel avons esté nourriz dès nostre enfance, et y esperons demourer par aucuns jours, prins plaisir, vouloir et deliberacion de acquérir et joindre à nostredit duché de Touraine les chastel, ville, seigneurie et justice dudit lieu de Montrichart avecques ses appartenances, qui à présent compectent et appartiennent à nostre cher et féal cousin Guillaume de Harecourt, chevalier, Conte de Tancarville, par acquest qu’il en a puis aucun temps fait ; pour laquelle cause, avons fait faire ouverture de l’acquisicion de ladite seigneurie avec nostredit cousin par aucuns de nos conseillers, lesquelz, après plusieurs choses sur ce debatues et pourparlers entre eulx, c’est assavoir , iceulx nos conseillers pour et ou nom de nous, d’une part, et nostredit cousin de Tancarville, d’autre, se soient condescenduz pour parvenir à ladite acquisicion si c’est nostre plaisir de faire les accords, transactions, permutacions et eschanges qui s’ensuivent : c’est assavoir que nostredit cousin nous cedera, transportera et délaissera tout le droit, action, propriété, seigneurie, possession et autres droits quelzconques qui lui compectent et appartiennent ès chastel, ville, seigneurie, basse-court, justice haute, basse et moyenne dudit lieu de Montrichart, avec les hommaiges, garennes, rivieres, forestz , dixmes, cens, censines, rentes, revenues, terres, prez, vignes, bois, buissons, hommes et femmes, subgez et justiciables, guetz, maneuvres, corvées, et autres droits et patrimoine quelzconques, avecques leurs appartenances et deppendençes, pour en joyr et user et les unir et joindre à nostredit duché et dommaine de Touraine ; et pour et ou lieu de ce et en contreeschange et permutacion des choses dessus dictes, nous serons tenuz de bailler et baillerons réaument et de fait à nostredit cousin noz viconte, ville, terre et seigneurie de Gournay, avecques l’estang ou vivier et autres Note.
(a) Ordinatiûttes Barbtnœ, D, fol. 246. 198 , pièce 35 , et sur le Mémorial de la Collationné au Trésor des chartes, registre Chambre des comptes, registre L.
