Louis XI,
à Tours,
le 22 Octobre
i46i.
Louis XI,
à Tours,
le 22 Octobre
>46i.
134 Ordonnances dès Rois De France
accomplissement d’icelles, vous mandons et à chacun de vous si comme à luy appartiendra, que vousfkitteset accomplissez de point en point le contenu esdites lettres du Roy nostredit seigneur, tout ainsy, pour les causes et par la forme et maniéré que le Roy nostredit seigneur le veult ét mande par cesdites lettres. Donné sottbs l’un de nosdits signet^, b ringr-troisieme jour de Mars, l’an mil quatre cent trente et six. Ainsi signé : Delagarde. Et en la marge dessoubz d’icelluy mandement estoit placqué, comme il apparoist, en cire vermeille, l’empreinte d’un des signetz de nosdits seigneurs les generaulx. Et nous à ce présent transcript ou vidimus avons mis le séel de ladite prevosté de Paris, l’an et le lundy dessus dits. Signé Lemaire ; et scellé. LOYS, par la grâce de Dieu, Roy de France, à tous ceulx qui ces présentes lettres verront, salut. Comme au vivant de feu nostre très chier seigneur et pere, que Dieu absoille, ou temps que les aydes soulloient avoir cours pour le fait de la guerre, ayt esté accoustumé que, en baillant les marchiez ou fermes d’iceux aydes, chacun achepteur, marchand, enchérisseur ou fermier, bailloit ung denier à Dieu, et pour reverence de la glorieuse vierge Sainte Catherine, et en honneur d’icelle, feu nostredit seigneur et pere eust voulu et octroyé à nos bien-amez les relligieux, prieur et couvent de l’eglise Sainte - Catherine du Val-des-Escoliers à Paris, que ils eussent et prissent tous les deniers à Dieu qui en istroient, duquel octroy ils joyrent et usèrent paisiblement durant le cours d’yceulx aydes, tant que feu nostredit seigneur et pere vescut ; et pour ce que de présent nous avons de nouvel mis sus et ordonné certains aydes en nostre royaume pour le fait de la guerre et deffense d’icelluy, lesdits relligieux, prieur et couvent nous ont humblement supplié et requis que iceulx deniers leur veuillons semblablement donner et octroyer : savoir faisons que, pour Ja grant dévotion et singulière affection que avons à ladite eglise de Sainte-Catherine, et pour l’augmentation et accroissement du divin service, nous, auxdits relligieux , prieur et couvent, avons donné et octroyé, donnons et octroyons de grâce especial par ces présentes, pour Dieu en aumosne, et en reverence d’icellc Sainte Catherine, tous les deniers à Dieu qui vendront et istront de toutes les fermes , enchieres et marchiez, tiercemens et doublemens desdites aydes, et chacun d’iceulx, par tout nostredit royaume où lesdites aydes auront cours, et tant comme ils courront. Sy donnons en mandement par ces mesmes présentes à nos amez et féaux conseillers sur le fait et gouvernement de toutes nos finances, tant en Languedoil comme en Languedoc, qui à présent sont et pour le temps à venir seront, que tous lesdits deniers à Dieu qui vendront et ystront de toutes les fermes, enchieres et marchiez, tiercemens et doublemens d’iceulx aydes, ils facent diligemment recevoir et mectre à part, et les bailler et délivrer auxdits relligieux, prieur et couvent, ou à leur, certain commandement, ct non à autres, par les esleus et receveurs desdits aydes, sans aucun contredict ou difficulté ; et par rapportant le vidimus de ces présentes, fait sous le séel royal ou authentique, avec quittance souffisante sur ce d’i,ceulx relligieux, prieur et couvent, ou de leur procureur tant seulement, nous voulons lesdits eslus et receveurs, ou autres qu’il appartiendra, demourer et estre tenus quittes et déchargiez de tout ce qu’ils en bailleront par nos amez et féaux gens de nos comptes, auxquels nous mandons ainsi le faire, sans aucun contredict ou difficulté, nonobstant quellesconques ordonnances, mandemens
