ii6 i Ordonnances des Rois de France
emparemens de laditte ville, et pour y faire guet et garde de nuyt et de jour et autrement en plusieurs maniérés , a esté et est moult despopulée et desnuée de gens, lesquelz se sont despartiz et encores s’en despartent de jour en jour, et s’en vont en estranges lieux et pays, où ilz ont lait et font leur residehce et demeure, pour obvier aux domaiges et choses dessusdittes ; parquoy ceulx qui y sont demourez, qui sont très-petit nombre soient si appouris et diminuez de leurs chevances, que à peine ils n’ont et ne peuvent avoir de quoy soustenir leurs poures vies et nécessités ; neantmoins, et nonobstant les choses dessusdittes, iceulx supplians sont par chascun jour contrains à payer et contribuer à tailles, aides, impostz, octroys, gabelles et autres subsides et charges, qui leur est moult dure et impossible chose , attendu ce que dit est, et plus seroit doresenavant si à y contribuer on les cpntraignoit, et n’auroient, sans leur grand préjudice et grief, bonnement de quoy ce foire ; et pour ce nous ont humblement supplié et requis que, les choses dessusdittes et chacune d’icelles en pitié considérées, et affin que doresenavant laditte ville se puisse fornir de gens et de peuple qui la puissent mieulx et en plus grand nombre garder et deffendre de nosdits ennemis , il nous plaise les affranchir et quicter à tousiours de tous et quelconques impostz, tailles, aides, octroys, foages, gabelles, subsides et autres choses dessusdictes. Pour ce est-il que nous, attendu ce que dit est, voulant nos bons et loyaulx subgectz estre favorablement traictez, et mesmement lesdits consulz, manans et habitans ainsi intéressez, diminuez et appouris, comme dit est, et à ce que doresenavant iis puissent et doyent mieulx et plus aisement, sans oppressions et griefz , vacquer et entendre à la seureté et deffense d’icelle ville, et la maintenir tousiours en nostre vraye obéissance ; et aussi pour la grant dévotion et amour que nous avons à monseigneur Saint Léonard, patron d’icelle , par le merite duquel Nostre-Seigneur fait chascun jour moult de beaux exemples et miracles en laditte ville , et en laquelle reposent les precieux reliques de son^aint corps, auquel nous sommes très - singulièrement voez et recommandez, qu’il lui plaise faire requeste et priere envers Dieu pour nous et aux affaires et nécessitez de nous et de nostre royaulmc et seigneurie, nous secourir et aider, en l’onneur et fovetir et pour la singulière dévotion que nous avons audict Sainct, et pour certaines autres causes et considérations à ce nous mouvans, il nous plaist et voulons et ausdits supplians avpns donné et octroyé , donnons et octroyons de nostre certaine science, grâce especial et auctorité royal, que ilz et chascun d’eulx soient doresnavant à tousiours mais et à perpétuité francs, quictes et exemps de toutes quelconques aides, tailles, foages, impostz, gabelles, subsides, quars et charges mis ou à mectre sus, pour quelque cause ou occasion que ce soit ou puit estre. Si donnons en mandement, par la teneur de ces présentes, à noz amez et féaulx conseillers les gens de nos comptes et les generaulx commissaires sur toutes nos finances, tant en Languedoil comme en Languedoc, au seneschal de Lymosin, et à tous nos autres justiciers, recepveurs, collecteurs et autres noz officiers et subgectz, presens et advenir, et à chascun d’eulx si comme à luy appartiendra, que de nostre présente grâce, quictance, affranchissement et exemption, facent, seuffrent et laissent lesdits consulz , bourgois, manans et habitans d icelle ville, et chascun d’eulx, joyr et user plainement et paisiblement à tousiours mais, à perpétuité , comme dit est, et les gardent et maintiennent es pnvilleges et franchises dessusdittes, leurs circonstances et deppendanccï,
