DE LA TROISIÈME RACE ,Qp
duré et encore durent, avoir varié ou aucunement vasciilé, et le plus de temps se soyent d’eulx-mesmes gardez et tenuz à 1 encontre de noz ennemis les Anglois et d’aultres à nous rebelles et desobeissans, leurs adherans et complices, qui comme incessamment leur ont lait et porté tous dommaiges à eux possibles, et mesmement durant le siege mis et tenu, trois ans ou environ, par lesdis ennemis devant nostredicte ville, où ilz ont esté par l’espace de deux moys ou environ en grant et puissant nombre, et tellement que lesdis supplians estoient assiégés de toutes parts, se sont iceulx supplians si bien maintenuz et gouvernez, et si vertueusement et grandement ont résisté à l’encontre d’iceulx ennemiz et de leur puissance, que, par la grâce de Nostre-Seigneur, et le bon aide et secours que leurs donnasmes, ledit siege fut levé, et y moururent et furent vaincuz la pluspart ou au moins très-grant quantité desdis ennemis, et le surplus mis en mite à leur très-grant confusion, et au grant honneur de nous, des nostres et desdis supplians, et à leur grant louenge. Et il soit ainsi que, à l’occasion des choses devant dictes, iceulx supplions aient esté et soient si grevez, oppressez, endommagez et apovriz, que à penes ont-ils de quoy vivre, et par le long temps que la guerre a esté continuée à l’encontre d’eulx, qui tousjours jusques à présent ont esté environnez de places occupées par nosdis ennemis, a esté de nécessité de avoir et tenir en nostredicte ville le plus du temps garnisons, qui moult l’ont degastée, et par ce et la nécessité que en avoit de boys, pourtant que on ne povoit aller seurement en la forest, ont esté abbattues, pour chauffer et pour autres affaires, plusieurs des maisons d’icelle ville, et les autres sont cheues par defàuit de couvertures et de gouttières dont ils n’ont peu finer ne recouvrer, obstant ce que dit est, et par ce la pluspart de leursdictes maisons est venue et tournée en ruyne, et sont les autres en grant disposition d’y venir ; par quoy, se ainsi advenoit, notredicte ville seroit en voie de cheoir en grant desolacion et demourer inhabitée, se nostre grâce et libéralité ne sont sur ce imparties ausdis supplians, si comme ilz dient, en nous humblement requérant que, ce considéré , nous, pour eulx aider à vivre, et relever et édifier leursdictes maisons, qui sera le bien de nous et de nostre domaine, leur vueillons donner leur usaige de boys en nostre forest de Poncourt, tant pour chauffage que pour bastir et édifier ; c’est assavoir de bpys mort et mort boys et de boys vert gisant, à prendre ledit usaige ès lieux et contrées du Gault et de Botin, à commancer depuis la chapelle Saint-Sepulcre jusques à la salle dudit Poncourt, et de ladicte salle jusques au chemin dudit Poncourt, en venant dudit lieu de Montargis, et avecques ce le pasturage en ladicte contrée, pour quatre porceaulx chascun mesnage. Pour ce est-il que nous, les choses dessusdictes considérées, reduisans à mémoire les grands et recommendables services que lesdis supplians, en leur loyaulté , gardant et maintenant envers nous et nostre seigneurie, nous ont faitz ès cas dessus touchez et en plusieurs autres maniérés, inclinans en cette faveur, et en signe et mémoire perpétuel de leursdis services, et pour recongnoissance d’iceulx, à leurdicte supplicacion et requeste, eue sur ce premièrement meure deliberacion, avec l’advis de ceulx de nostre grant conseil et aussi de noz officiers de nostredicte ville et forestz , 3 iceulx supplians, de nostre certaine science et grâce especial, avons donné et octroyé, donnons et octroyons par maniéré de privilège, à tousjours mais, perpétuel ment, ledit usaige de boys, tel que dit est, en icelle forest de Poncourt, pour chauffer, bastir et édifier en leurs maisons et sur leur Louis XI,
à Ettrechy,
Septembre
