Louis XI,
à Estrechy,
Septembre
» 461.
106 Ordonnances des Rois de France
en çà ou environ, ont esté iceulx suppiians assiégés de tous costez par les Anglois nos anciens ennemis et adversaires, qui, en esperance de les destruire et subjuguer, les ont tenuz par deux mois en telle destresse et nécessité que plus n’avoient que manger ; et neantmoins, par la grâce de Nostre-Seigneur et la grant et bonne résistance desdis suppiians , en acquittant vertueusement envers nous leur loyaulté, joint aussi le bon secours que leur donnasmes, furent finalement illec vaincus et desconfiz lesdis ennemis, et, très-honorablement pour nous et iceulx suppiians, fut levé ledit siege. A l’occasion desquelles choses, et des grans adversitez que ont souffert et enduré lesdits suppiians, nostredicte ville, qui sans comparaison souloit estre la meilleure et la plus habitée du pays, est tellement diminuée et apouvrie de gens et de chevance, qu’elle est de présent toute depopulée, et cheue en ruyne et desolacion, et est en voie de plus encores faire, se par nostre grâce et libéralité n’est sur ce secouru et aidé ausdis suppiians, comme ilz nous ont fait remonstrer, en nous humblement requérant que, actendu ce que dict est, et afin que eulz qui ont esté et sont commencement de nostre bienheur, se puissent aucunement recouvrer, et ladicte ville repeupler et accroistre, il nous plaise leur donner l’assiecte et perpetuacion de deux foires, avec celle qu’ils ont, et qui siet et a accoustumé seoir en nostredicte ville chascun an le jour de ia Magdalene, qui feront en tout trois foires ; icelles trois foires affranchir, à ce que plus soient fréquentées, et que par ce ladicte ville et le pays d’entour en vaillent mieulx, et se puissent aucunement repeupler. Pour ce est-il que nous , ces choses considérées , ayant regard mesmement à la grant recommendable loyaulté desdis suppiians, et au grant et proufitable service qu’ils nous ont fait, à avoir ainsi vertueusement contresté à nosdis ennemis, ce que jamez ne voulons mectre en obli, mais les en guerdonner (a) à mémoire perpetue !, inclinans pour ce et pour plusieurs autres causes à leurdicte requeste, avons de notre certaine science, et par l’advis et meure deliberacion de nostre conseil, créé, ordonné et establi, et par la teneur de ces présentes , de notre grâce especial, plaine puissance et auctorité royal, créons, ordonnons et establissons deux foires de croissance audit lieu de Montargis , oultre celle qui a accoustumé seoir ledit jour de la Magdalene, comme dit est ; lesquelles deux foires voulons estre et seoir chascun an audit lieu, c’est assavoir l’une le lundi après la feste de Saint-Remy en octobre, et l’autre le lundi après la foire qui siet le jeudi après Quasimodo, à la maladerie de Chasteau-Landon appellée Ponferaiilt ; et lesquelles trois foires , c’est assavoir celle de la Magdalene, et ces deux présentes de croissance, voulons seoir, durer et avoir cours par trois jours entiers, c’est assavoir la veille, le jour et le lendemain, doresnavant chacun an, comme dit est à toujours mais, perpetuelment, et que toutes maniérés de denrées et marchandises licites et non défendues y puissent estre apportées , vendues et achaitées par tous marchands et autres personnes qui y vouldront venir .et henter , tout ainsi et par la maniéré qu’il est accoustumé de faire ès autres foires de nostre royaume : et d’abundant, de notre plus ample grâce, avons octroyé et octroyons ausdis suppiians que lesdictes trois foires dessus declairées , tant quelles dureront, soient franches, et tous lesdis marchands et autres personnes- qui y amèneront vivres et autres denrées, quelles que elles soient, Note.
(a) Récompenser.
