310|-6em}}« Je ne sui mie si sauvages,
« Par mon chief, com vos me tenés.
« Por ce se m’estes eschapés,
« M’aies vos ore ainsi gabant ;
« Mais se vos me tenés convant,
« Vos m’aprenderés l’autre sen,
« Car des deus ai je bien l’asen.
« Or le dites a vo voloir,
« Car sor vos n’ai point de pooir :
« Dites qués est il, si l’orrai.
« — Entent i bien, sil te dirai :
« Li tiers est tés, qui le savroit
« Ja mais povres on ne seroit. »
Mout durement s’en esjoï
Quant la vertu dou sen oï,
Et dist : « Cestui m’estuet savoir,
« Que durement tent à l’avoir. »
Qui li veïst l’oisel coitier !
« Il est, » fait il, « tans de mangier ;
« Quar le me dites errantment. »
Et quant li oisillons l’entent,
Si dit : « Je techasti, vilains,
« Que ce que tu tiens en tes mains
« Ne gietes pas jus a tes pies. »
Li vilains fu mout corrociés ;
Et quant il s’est teûs grant pose,
Si dist : « N’estoit
Page:Paris - Légendes du Moyen-Âge.djvu/301
Cette page n’a pas encore été corrigée
