Cette page n’a pas encore été corrigée
Ains en avrai mainte chançon, »
Fait li vilains, « de ceste prise.
« Servi avés a vo devise,
« Or servirés a ma partie.
« — Ceste cheance est mal partie,
« J’en ai le peior a moi pris.
« Je suel avoir a mon devis
« Champaigne, bois, rivière et prés :
« Or ier en jaiole enserrés,
« Ja mais n’avrai déduit ne joie ;
« Je soloie vivre de proie :
« Or me donra l’on a mangier
« Si com un autre prisonier.
« Laissiés moi aler, beaus amis,
« Et bien soies seùrs et fis
« Ja en prison ne chanterai.
« — Par foi, et je vos mangerai :
« Ja par autre tor n’en irés.
« — En moi povre repast avrés,
« Quar je sui lasches et petis :
« Ja n’en acroistra vostre pris
« Se vos ociés tele rien.
« Laissiés