Le texte de cette page a été corrigé et est conforme au fac-similé.
— Mé oune pitit chanté, li chanté mo :
APAN QUÉ BEIF
Là-sous lai : Compè Crobeau.
Oune apan té soti,
La so michant pripri,
Li wai oune beif qui gros, la meinme jalou prend li :
Zòte gadé mo diti,
Kou beif mo ké vini,
Li gonflé, li gonflé,
Jouq so lapeau pété.
Zanmi pas fait kou apan la ; (bis)
Couté dolo papa Coumba.
Tra la la.
— Sainnemari gain posson, aussi, beaucoup, la lariviè la ; mé, li gain loute qué araie dileau douce ; lò yé jité topa conça, coumarou ca fait chin.
— Mo allé pêché, la Brigandin ; nous kinbé posson en masse : Posson limon, bressou, coument-coument, pémécrou. Posson lécaille, loubine, acoupb. Posson sabe, doumoaizelle, aréquin milet.
