la grant doucour de Deu, & tant com il plus en recevrent & il plus grant fayn en arent. Et citi doucours ne se pot decreytre, assi po & mens que li ayguy de la mar ; quar tot assi com li fluyvo fallont de la mar tuit & tuit y retornont, tot assi li beuta Nostron Segnour & li doucors com bein que illi se expandet a tot, illi retornet toz jors a luy, & per co ne pot illi ja mays descreytre.
Certes ce li Saint ne faysiant ja mays que pensar la grant bonta de luy, si no porriant-il pas perfaytament pensar la tres grant charita per la qual li tres bons Sires enviet lo boit Fil en terra. Or pensas que en luy ha d'autres biens avoy cetuy : il est tra totes choses que l'on pot pensar ne desirar en toz sos Sains. Et co est li escriptura qui eret escripta el premier fermel del livro ou aveit escrit : « Deus erit omnia in omnibus. »
Et el second fermel del livro aveit escrit : « Mirabilis Deus in Sanctis fuis, » Deus est miravillous en sos Sains. Oy non est cors d'ome qui poit pensar com Deus est miravillous en sos Sains.
