CXXXIV.
Par grandes maladies, religion fachée,
Par les enfans & legats d’Ambassade :
Don donné à indigne. nouulle[1] loy laschée,
Biens de vieux peres. Roy en bonne contrade.
CXXXV.
Du pere au fils s’approche : Magistrats dits seuere,
Les grandes nopces. ennemis garbelans :
De latens mis auant. par la foy d’improperes,
Les bons amis & fêmes contre tels groumelâs.
CXXXVI.
Par le thresor, trouué l’heritage du pere :
Les Roys & Magistrats, les nopces, ennemis :
Le public mal-vueillant, les Iuges & le Maire,
La mort, pœur & frayeur. & trois Grands à mort mis.
CXXXVII.
Encor la mort s’approche. don Royal & legat,
On dressera ce qu’est[2], par viellesse en ruine :
Les Ieunes hoirs de soupçon nul legat,
Tresor trouué en plastres & cuisine.
CXXXVIII.
Les Ennemis secrets seront emprisonnez,
Les Rois & Magistrats y tiendrôt la main seure :
La vie de plusieurs. santé maladie yeux, nez,
Les deux grands s’en iront bien loin à la male heure.
CXXXIX.
Longues langueurs de teste nopce, ennemi,
Par Prelat & voyage. songe du Grand terreur :
Feu & ruine grande trouué en lieu oblique,
Par torrent decouuert sortir noues erreurs.