Le texte de cette page a été corrigé et est conforme au fac-similé.
1564.
XCII.
Sur ladicte annee.
L’an sextil pluyes froment abonder. haines,
Aux hommes joye. Princes Rois en diuorce :
Troupeau perir. mutations humaines,
Peuple affoulé : & poison soubs l’escorce.
XCIII.
Ianvier.
Temps fort diuers, discorde descouuerte,
Conseil belliq. changement pris, changé :
La Grande n’estre. coniurez par eau perte,
Grand simulté. tous au plus Grand rangé.
XCIV.
Feburier.
Deluge grand. bruit de mort conspirée,
Renoue siecle. trois Grands en grand discord :
Par boutfeux la concorde empirée,
Pluy empeschant conseils malins d’accord.
XCV.
Mars.
Entre Rois haines on verra apparoistre,
Dissensions & Guerres commencer :
Grâds Changemêt. nouueau tumulte croistre,
L’ordre plebée on viendra offenser.
XCVI.
Auril.