LXXXVI.
De quel non mal? inexcusable suite,
Le feu non duel. le Legat hors confus :
Au plus blessé ne sera faite luite,
La fin de Iuin le fil coupé du fus.
LXXXVII.
Bons finement affoiblis par accords,
Mars & Prelats vnis n’arresteront :
Les Grands confus par dons incidez corps,
Dignes indignes biens indues saisiront.
LXXXVIII.
De bien en mal le temps se changera,
Le pache d’Aust[1]. des plus Grands esperance :
Des Grands deul Lvis[2] trop plus trebuchera,
Congnus Razez pouuoir ni congnoissance.
LXXXIX.
Voicy le mois par maux tant à doubter,
Mors, tous seigner peste, faim, quereller :
Ceux du rebours d’exil viendront noter,
Grands, secrets, morts, non de contreroller.
XC.
Par mort mort mordre, conseil, vol. pestifere,
On n’osera Marins assaillir :
Deucalion vn dernier trouble faire,
Peu de gens ieunes : demy morts tressaillir.
XCI.
Mort par despit fera les autres luire,
Et en haut lieu de grands maux aduenir :
Tristes concepts à chacun viendront nuire,
Temporel digne. la Messe paruenir.