XLVIII.
Rompre diete. lantiq[1] sacré rauoir,
Dessoubz les deux. feu par pardon s’ensuiure :
Hors d’armes Sacre : long Rouge voudra auoir,
Paix du neglect. l’Esleu le Vefue viure.
XLIX.
Fera paroir esleu de nouueauté,
Lieu de iournée. sortir hors des limites :
La bonté fainte de changer cruauté,
Du lieu suspect sortiront trestous viste.
L.
Du lieu esleu Razes n’estre contens,
Du lac Leman conduite non prouuée :
Renouueller on fera le vieil temps,
Espeuillera[2] la trame tant couuée.
LI.
Pache Allobrox sera interrompu,
Derniere main fera forte leuée :
Grand coniuré ne sera corrompu,
Et la nouuelle alliance approuuée.
LII.
Longue crinite leser le Gouuerneur,
Faim, fieure ardante, feu & de sang fumée :
A tous estats Iouiaux grand honneur,
Sedition par Razes allumée.
LIII.
Peste, faim, feu & ardeur non cessée,
Foudre, grand gresle temple du ciel frapé :
L’edit, arrest, & grieue loy cassée,
Chef inuenteur ses gens & luy hapé.
