XXXVI.
Grain corrompu. air pestilent. locustes,
Subit cherra. noue nouuelle naistre :
Captifs ferrez. legers, haut bas, onustes,
Par[1] ses os mal qu’à[2] Roy n’a voulu estre.
XXXVII.
Saisis au temple, par sectes longue brigue,
Esleu raui au bois forme querelle :
Septante pars naistre nouuelle ligue,
De la leur mort. Roy appaisé nouuelle.
XXXVIII.
Roy salué Victeur, Impereateur,
La foy faussée. le Royal fait congnu :
Sang Mathien[3]. Roy fait supereatur[4],
De gent superbe humble par pleurs venu[5].
XXXIX.
Par le despit nopces, epithalame,
Par les trois parts Rouges, Razez partis :
Au ieune noir remis par flamme l’ame,
Au grand Neptune Ogmius conuertis.
XL.
De maison sept par mort mortelle suite,
Gresle, tempeste. pestilent mal, fureurs :
Roy d’Orient d’Occident tous en fuite,
Subiuguera ses iadis conquereurs.
XLI.
Predons pillez chaleur, grand seicheresse,
Par trop non estre. cas non veu, inoui :
A l’estranger la trop grande caresse,
Neuf pays Roy. l’Orient esblouy.