XXV.
Vaine rumeur dedans la hierarchie,
Rebeller Gennes : courses, insults, tumultes :
Au plus grand Roy sera la monarchie,
Election. conflit, couuerts, sepultes.
XXVI.
Par la discorde deffaillir au defaut,
Vn tout à coup le remettra au sus :
Vers l’Aquilon seront les bruits si haut,
Lesions, pointes à trauers, par dessus.
XXVII.
La mer Tyrrhene de differente voile.
Par l’Ocean seront diuers assaults :
Peste, poison, sang en maison de toile,
Presults, Legats esmeus marcher mer haut.
XXVIII.
Là ou la foy estoit sera rompue,
Les ennemis les ennemis paistront :
Feu ciel pleuura, ardra, interrompue,
Nuit entreprise. Chefs querelles mettront.
XXIX.
Guerre, tonnerre, maints champs depopulez,
Frayeur & bruit, assault à la frontiere :
Grand Grand failli. pardon aux Exilez,
Germains, Hispans. par mer Barba[1]. banniere.
XXX.
Bruit sera vain. les defaillans troussez,
Les Razes pris : esleu le Pempotan[2] :
Faillir deux Rouges & quatre bien croisez,
Pluye empeschable au Monarque potent.
