Le texte de cette page a été corrigé et est conforme au fac-similé.
PRESAGES
TIREZ DE CEUX FAICTZ PAR M. NOSTRADAMUS,
ÉS ANNÉES 1555. ET SUYUANTES IUSQUES EN 1567.
1555.
D’vn presage sur ladicte année.
I.
D’Esprit diuin l’ame presage atteinte,
Trouble, famine, peste, guerre courir :
Eaux, siccitez, terre & mer de sang teinte,
Paix, tresue, à naistre[1] Prelats, Princes mourir.
De l’Espistre luminaire sur ladicte annee.
II.
La mer Tyrrhene, l’Occean par la garde,
Du grand Neptun & ses tridens soldats :
Prouence seure par la main du grand Tende,
Plus Mars Narbon l’heroiq de Vilars.
- ↑ Lisez : tresve à naistre.
