LV.
Vn peu deuant ou apres très grand’ Dame,
Son ame au Ciel, & son corps soubs la lame,
De plusieurs gens regrettée sera,
Tous ses parens seront en grand’ tristesse,
Pleurs & souspirs d’vne Dame en ieunesse,
Et à deux grands, le dueil delaissera.
LVI.
Tost l’Elephant de toutes parts verra
Quand pouruoyeur au Griffon se ioindra,
Sa ruine proche[1], & Mars qui tousiours gronde :
Fera grands faits aupres de terre saincte,
Grands estendars sur la terre & sur l’onde,
Si la nef a esté de deux freres enceinte.
LVII.
Peu apres l’aliance faicte,
Auant solemniser la feste,
L’Empereur le tout troublera,
Et la nouuelle mariée,
Au franc pays par sort liée,
Dans peu de temps apres mourra.
LVIII.
Sangsuë en peu de temps mourra,
Sa mort bon signe nous donra,
Pour l’accroissement de la France,
Alliance se trouueront,
Deux grands Royaumes se ioindront,
François aura sur eux puissance.
- ↑ Construisez : L’Eléphant verra tôt sa ruine proche de toutes parts, quand le Pourvoyeur se joindra au Griffon.
