LI.
La Ville qu’auoit[1] en ses ans
Combatu l’iniure du temps,
Qui de son vainqueur tient la vie,
Celuy qui premier l’a surprist,
Que peu apre[2] François reprist
Par combats encor affoiblie.
LII[3].
La grand Cité qui n’a pain à demy,
Encor vn coup la sainct Barthelemy,
Engrauera au profond de son ame,
Nismes, Rochelle, Geneue & Montpellier,
Castres, Lyon, Mars entrant au Belier,
S’entrebattront le tout pour vne Dame.
LIII[4].
Plusieurs mourront auant que Phœnix meure,
Iusques six cens[5] septante est sa demeure,
Passé quinze ans, vingt & vn trente neuf.
Le premier est subiet à maladie,
Et le second au fer, danger de vie,
Au feu à l’eau, est subiect à trente-neuf.
LIV.
Six cens & quinze, vingt, grand Dame mourra,
Et peu apres vn fort long temps plouura,
Plusieurs pays, Flandres & l’Angleterre,
Seront par feu & par fer affligez,
De leurs voisins longuement assiegez,
Contraints seront de leurs faire la guerre.
- ↑ Construisez : qui avait.
- ↑ Lisez : après.
- ↑ Ce sixain concerne le massacre de la Saint-Barthélemy ; mais il faut observer que cet événement date de 1572 (trente-trois ans avant la publication du supplément recueilli par Vincent Seve).
- ↑ Ce sixain a été appliqué à Louis XIV.
- ↑ Lisez : ans au lieu de : cens ; & vous aurez : septante six ans, durée de la vie de Louis XIV.
