Et à la fin des François soulagée,
Mais ce sera dés six cens & dix ans.
XLIII.
Le petit coing, Prouinces mutinées
Par forts Chasteaux se verront dominées,
Encor vn coup par la gent militaire,
Dans bref seront fortement assiegez,
Mais ils seront d’vn tres grand soulagez.
Qui aura fait entrée dans Beaucaire.
XLIV.
La belle rose en la France admiree,
D’vn tres grand Prince à la fin désirée,
Six cens & dix, lors naistront ses amours
Cinq ans apres, sera d’vn grand blessée,
Du trait d’Amour, elle sera enlassée,
Si à quinze ans du Ciel reçoit secours.
XLV.
De coup de fer tout le monde estonné,
Pa[1] Crocodil estrangement donné,
A vn bien grand, parent de la sangsuë,
Et peu apres sera vn autre coup
De guet à pens, commis contre le loup,
Et de tels faits on ne verra l’issuë.
XLVI.
Le pouruoyeur mettra tout en desroute,
Sansuë & loup, en mon dire n’escoute
Quand Mars sera au signe du Mouton
Ioint à Saturne, & Saturne à la Lune,
Alors sera ta plus grande infortune,
Le Soleil lors en exaltation.
- ↑ Lisez : par.
