Sera meurtry à Venus faisant vœu ;
Accompagné de nuict que trois & six.
XXXIII.
Le grand naistra de Veronne & Vincence[1],
Qui portera vn surnom bien indigne
Qui à Venise voudra faire vengeance,
Luy mesme prins homme du guet & sine[2].
XXXIV.
Apres Victoire du Lyon au Lyon
Sus la montaigne de Ivra Secatombe[3]
Delues & brodes septiesme million
Lyon, Vlme à Mansol mort & tombe.
XXXV.
Dedans l’entree de Garone & Bayse
Et la forest non loing de Damazan
Du mar saues[4] gelees, puis gresle & bize
Dordonnois gelle par erreur de mesan.
XXXVI.
Sera commis conte oindre aduché
De Saulne[5] & sainct Aulbin & bel l’œure[6]
Pauer de marbre de tours[7] loings espluché
Non Bleteram[8] resister & chef d’œuure.
XXXVII.
La forteresse aupres de la Tamise
Cherra par lors le Roy dedans serré :
Aupres du pont sera veu en chemise
Vn deuant mort, puis dans le fort barré.
