cera le peuple Romain de se redresser, & de chasser[1] quelques obscures tenebres, receuant[2] quelque peu de leur pristine clarté, non sans grande diuision & continuel[3] châgemens. 91— Venise en apres en grande force & puissance leuera ses aisles si[4] treshaut, ne disant[5] gueres aux forces de l’antique Rome. Et en iceluy temps grandes voyles Bisantines associees aux Ligustiques par l’appuy & puissance Aquilonaire, donnera quelque empeschement que des deux Cretenses ne leur sera la foy tenueë. 92— Les arcs édifiez par les antiques Martiaux, s’accompagneront aux ondes de Neptune. 93— En l’Adriatique sera faicte discorde grande ce[6] que[7] sera uny sera separé, approchera de maison ce que paravant[8] estoit & est grande cité, comprenant le Pompotam[9] la Mesopotamie de l’Europe à quarante cinq & autres de quarante vn, quarante deux, & trente sept[10]. 94— Et dans iceluy temps, & en icelles contrees la puissance infernale mettra à l’encontre de l’Eglise de Iesus Christ la puissance des aduersaires de sa loy, qui sera[11] le second Antechrist, lequel persecurera[12] icelle Eglise & son vray Vicaire, par moyen de la puissance des Roys temporels, qui seront par leur ignorance seduicts par langues, qui trencheront plus que nul glaiue entre les mains de l’insensé. 95— Le susdicts[13] regne de l’Antechrist ne durera que iusques au definement de ce n’ay[14] pres de l’aage & de l’autre à la cité de Plancus accompagnez de l’esleu de Modone[15] Fulcy, par
- ↑ Variante : et deschasser.
- ↑ C’est-à-dire : recouvrant.
- ↑ Variante : continuels.
- ↑ Très.
- ↑ Variante : distant.
- ↑ Variante : grande, ce.
- ↑ Lisez : qui.
- ↑ Construisez : ce qui auparavant.
- ↑ Variante : Pempotam ; lisez : Panpotent.
- ↑ Variante : et autres de 41. 42. & 47.
- ↑ Construisez : ce qui sera.
- ↑ Variante : persecutera.
- ↑ Variante : susdit.
- ↑ Variante : nay.
- ↑ Lisez : Modène.
