XCIII.
Prelat autre[1] d’ambition trompé,
Rien ne sera que trop viendra cuider :
Ses messagers & luy bien attrapé,
Tout au rebours voit qui les[2] bois fendroit[3].
XCIV.
Vn Roy iré sera aux sedifragues,
Quand interdicts feront[4] harnois de guerre :
La poison taincte au succre par les fragues
Par eaux meurtris, morts, disant serre serre.
XCV.
Par detracteur calomnie[5] à puis nay,
Quand istront faicts enormes & martiaux :
La moindre part dubieuse à l’aisnay,
Et tost au regne seront faicts partiaux.
XCVI.
Grande cité à soldats abandonnée,
On n’y eu[6] mortel tumult si proche :
O qu’elle hideuse mortalité[7] s’approche,
Fors[8] vne offence n’y sera pardonnee.
XCVII.
Cinq & quarante degrez ciel bruslera
Feu appocher[9] de la grand cité neuue
Instant grand flamme esparse sautera
Quand on voudra des Normans faire preuue.
- ↑ Variante : avare.
- ↑ Variante : voir, qui le bois.
- ↑ C’est-à-dire qu’il sera pendu, voyant le bûcheron du haut en bas de l’arbre, au lieu de le voir de bas en haut.
- ↑ Variante : seront.
- ↑ Variante : calumnié.
- ↑ Variante : Oncques n’y eust.
- ↑ Variante : O quel hideuse calamité.
- ↑ Fors une (aucune).
- ↑ Variante : approcher.
