Innocent faict mort on accusera,
Nocent cache[1], taillis à la bruyne.
XXXVIII.
Aux profligez de paix les ennemis,
Apres auoir l’Italie superee,
Noir sanguinaire, rouge, sera commis,
Feu, sang verser, eau de sang coloree.
XXXVIX.
L’enfant du regne, par paternelle prinse
Expolier sera pour le deliurer[2] :
Aupres du lac Trasimen l’axur prinse[3],
La troupe hostage par trop fort s’enyurer.
XL.
Grand de Magonce pour grande soif esteindre,
Sera priué de sa grande dignité :
Ceux de Cologne si fort le viendront plaindre.
Que la[4] grand groppe[5] au Rhin sera ietté.
XLI.
Le second chef du regne d’Annemarc[6]
Par ceux de Frize & l’Isle Britannique,
Fera despendre plus de cent mille marc,
Vain exploicter voyage en Italique.
XLII.
A Logmyon[7] sera laissé le regne,
Du grand Selin plus fera de faict[8] :
Par les Itales estendra son enseigne,
Regi sera par prudent contrefaict.
- ↑ Variante : Nocent caiché taillis.
- ↑ Variante : Expolié sera pour délivrer.
- ↑ Variante : l’azur prinse ; lisez : la surprise.
- ↑ Variante : le.
- ↑ Lisez : groupe.
- ↑ Lisez : Dannemarc.
- ↑ Lisez : l’Ogmion.
- ↑ Variante : qui plus fera de faict ; traduisez : qui non faciet, c’est-à-dire : qui n’agira plus, qui sera sans force.
