Le texte de cette page a été corrigé et est conforme au fac-similé.
les peuples, que de dreſſer de belles & magnifiques Bibliotheques, pour puis apres les vouer & conſacrer à l’vſage du public ? Auſſi eſt-il vray que cette entrepriſe n’a iamais trompé ny deceu ceux qui l’ont bien ſceu meſnager, & qu’elle a touſjours eſté iugée de telle conſequence, que non ſeulement les particuliers l’ont faict reuſſir à leur aduantage, comme Richard De Bury, Beſſarion, Vincent Pinelli, Sirlette, voſtre grand pere Meſſire Henry De Meſme, de tres-heureuſe memoire, le Cheualier Anglois Bodleui, feu M. le Preſident de Thou, & vn grand nombre d’autres ; mais que les plus ambitieux meſmes ont touſiours voulu ſe ſeruir d’icelle pour couronner & perfectionner toutes
