Cette page n’a pas encore été corrigée
manquer d’estre un jour tres-fameuse et renommée entre les plus grandes, à l’occasion de celle de m. Vostre pere, laquelle est des-ja si celebre et cognuë par le recit qu’en ont fait à la posterité la Croix, Fauchet, Marsille, Turnebe, Passerat, Lambin, et presque tous les galands hommes de cette volée, qui n’ont point esté mescognoissans du plaisir et de l’instruction qu’ils en ont receu.
Apres quoy il me semble que le moyen qui approche le plus de ce premier, est de foüiller et revisiter souvent toutes les boutiques des libraires frippiers et les vieux fonds et magazins, tant de livres reliez que de ceux qui ont tousjours esté reservez en blanc depuis une si longue suitte d’années, que
