Cette page n’a pas encore été corrigée
Le tour de la ville que j’ai faict plusieurs fois du côté de la terre, depuis la porte del Popolo, jusques à la porte S. Paulo, se peut faire en trois bones heures ou quatre, alant en trousse, & le pas ; ce qui est delà la riviere se faict en une heure & demie, pour le plus. Entr’autres plesirs que Rome me fournissoit en caresme, c’étoint les sermons. Il y avoit d’excellans precheurs, come ce Rabi renié qui preche les Juifs le Samedi après dîner, en la Trinité. Il y a tousjours
