Cette page n’a pas encore été corrigée
tué quelques jours auparavant de nuict en la ville, dedans le palais mesme dudict seigneur Jacomo Buoncompagno, fils du pape. On les tenailla, puis coupa le pouing devant ledict palais, & l’ayant coupé, on leur fit mettre sur la playe des chappons qu’on tua & entr’ouvrit soudenemant. Ils furent deffaicts sur un échaffaut & assommés à tout une grosse massue de bois & puis soudein esgorgés. C’est un supplice qu’on dict parfois usité à Rome. D’autres tenoint qu’on l’avoit accommodé au meffaict, d’autant qu’ils avoint einsi tué leur maistre.
Quant à la grandur de Rome, M. de Montaigne disoit « que l’espace qu’environnent les murs, qui est plus des deus tiers vuide, comprenant la
