Cette page n’a pas encore été corrigée
Au demourant il lui sambloit qu’il n’y avoit nulle particularité en la beauté des fames, digne de cete préexcellance que la réputation donne à cete ville sur toutes les autres du monde ; & au demurant que, come à Paris, la beauté plus singuliere se trouvoit entre les meins de celles qui la mettent en vante. Le 29 de decembre M. d’Abein, qui estoit lors ambassadur, jantil home studieus & fort amy de longue mein de M. de Montaigne, fut d’advis qu’il baisât les pieds au pape. M. d’Estissac & lui se mirent dans le coche dudict ambassadur. Quand il fut en son audiense, il les fit appeller par le camerier du pape. Ils trouvarent le pape, & avecque lui l’ambassadur tout sul, qui est
