Cette page n’a pas encore été corrigée
de quelque chose digne de voir, ou chanjant d’avis selon les occasions,) il respondoit, qu’il n’aloit, quant à luy, en nul lieu que là où il se trouvoit, & qu’il ne pouvoit faillir ny tordre sa voïe, n’aïant nul project que de se promener par des lieus inconnus ; &, pourveu qu’on ne le vit pas retumber sur mesme voïe, & revoir deus fois mesme lieu, qu’il ne faisoit nulle faute à son dessein. Et quant à Rome, où les autres visoint, il la desiroit d’autant moins voir, que les autres lieus, qu’elle estoit connue d’un chacun, & qu’il n’avoit laquais qui ne leur peut dire nouvelles de Florence & de Ferrare. Il disoit aussi qu’il lui sambloit estre à-mesmes ceus qui lisent quelque fort plesant conte, d’où il
