Cette page n’a pas encore été corrigée
là, quant au logis, nos formes, & y trouvames à dire, nonseulemant la neteté des chambres & meubles d’Allemaigne & leurs vitres, mais encore leurs poiles ; à quoy M. de Montaigne trouvoit beaucoup plus d’aisance qu’aus cheminées. Quant aus vivres, les escrevisses nous y faillirent ; ce que M. de Montaigne remerquoit, pour grand’merveille, leur en avoir esté servi tous les repas, depuis Plommieres, & près de deux çans lieues de païs. Ils mangent là, & le long de ces montaignes, fort ordinairemant des escargots beaucoup plus grands & gras qu’en France, & non de si bon goust. Ils y mangent aussi des truffes qu’ils pelent, & puis les metent a petites leches à l’huile & au vinaigre, qui ne sont pas mauvaises. A Trante on en servit
