labouré de plusieurs excellentes statues, & notamment de certins petits enfans qui chantent. Cete Eglise fut batie, com’elle dict, par Bernardus Clesius, Cardinalis, l’an 1520, qui estoit Evesque de cete ville & natif de ce mesme lieu. C’estoit une ville libre & sous la charge & empire de l’Evesque. Depuis à une necessité de guerre contre les Venitiens, ils apelarent le Conte de Tirol à leurs secours, en recompense de quoy il a retenu certene authorité & droit sur leur ville. L’Evesque & luy contestent, mais l’Evesque jouit, qui est pour le presant le Cardinal Madruccio. M. de Montaigne disoit, « qu’il avoit remerqué des Citoyens qui ont obligé les villes de leur naissance, en chemin, les Foulcres à Auguste, ausquels est deu la pluspart de l’ambellissemant
Page:Montaigne - Journal du Voyage en Italie, 1774, vol1.djvu/299
Cette page n’a pas encore été corrigée
