Le vendredy matin nous en [de MUNICH] partimes, & au travers des forets dudit Duc, vismes un nombre infiny de betes rousses à troupeaux, come moutons, & vismes d’une trete à
KINIEF, chetif petit village, six lieues ; en ladite duché. Les Jésuites qui gouvernent fort en cete contrée, ont mis un grand’mouvemant, & qui les faict haïr du peuple pour avoir faict forcer les prestres de chasserr leurs concubines, sous grandes peines ; & à les en voir pleindre, il samble qu’antienemant cela leur fuct si toleré qu’ils en usoint come de chose légitime, & sont encore après à faire là-dessus des remontrances à leur Duc. Ce sont là les premiers eufs qu’on nous eût servy en Allemaigne en jour de poisson, ou autremant, sinon en des salades, à quartiers. Aussi on nous y servit des
