dire : voyla iustement ma conception : si ie ne l’ay ainsin exprimé, ce n’est que faute de langue. Souflez. Il faut employer la malice mesme, à corriger cette fiere bestise. Le dogme d’Hegesias, Qu’il ne faut ny hair, ny accuser : ains instruire a de la raison ailleurs. Mais icy, c’est iniustice et inhumanité de secourir et redresser celuy, qui n’en a que faire, et qui en vaut moins. l’ayme à les laisser embourber et empestrer encore plus qu’ils ne sont : et si auant, s’il est possible, qu’en fin ils se recognoissent.La sottise et desreglement de sens, n’est pas chose guerissable par vn traict d’aduertissement. Et pouuons proprement dire de cette reparation, ce que Cyrus respond à celuy, qui le presse d’enhorter son ost, sur le point d’vne bataille : Que les hommes ne se rendent pas courageux et belliqueux sur le champ, par vne bonne harangue : non plus qu’on ne deuient incontinent musicien, pour ouyr vne bonne chanson. Ce sont apprentissages, qui ont à estre faicts auant la main, par longue et constante institution. Nous deuons ce soing aux nostres, et cette assiduité de correction et d’instruction : mais d’aller prescher le premier passant, et regenter l’ignorance ou ineptic du premier rencontré, c’est vn vsage auquel ie veux grand mal. Rarement le fais-ie, aux propos mesme qui se passent auec moy, el quitte plustost tout, que de venir à ces instructions reculces et magistrales. Mon humeur n’est propre, non plus à parler qu’à escrire, pour les principians. Mais aux choses qui se disent en commun, ou entre autres, pour fauces et absurdes que ie les iuge, ie ne me iette iamais à la trauerse, ny de parole ny de signe.Au demeurant rien ne me despite tant en la sottise, que, dequoy elle se plaist plus, que aucune raison ne se peut raisonnablement plaire. C’est mal’heur, que la prudence vous deffend de vous satisfaire et fier de vous, et vous en enuoye tousiours mal content et craintif là où l’opiniastreté et la temerité, remplissent leurs hostes d’esiouïssance et d’asseurance. C’est aux plus mal habiles de regarder les autres hommes par dessus l’espaule, s’en retournans tousiours du combat, pleins de gloire et d’allegresse. Et le plus souuent encore cette outrecuidance de langage et gayeté de visage, leur donne gaigné, à l’endroit de l’assistance, qui est communément foible et incapable de bien iuger, et discerner les vrays aduantages. L’obstination et ardeur d’opinon, est la plus scure preuue de bestise. Est il rien certain,
Page:Montaigne - Essais, Didot, 1907, tome 3.djvu/372
Cette page n’a pas encore été corrigée
![](http://upload.wikimedia.org/wikipedia/commons/thumb/0/0b/Montaigne_-_Essais%2C_Didot%2C_1907%2C_tome_3.djvu/page372-1024px-Montaigne_-_Essais%2C_Didot%2C_1907%2C_tome_3.djvu.jpg)