mortelle ? Elle ne fait que fouruoyer par tout, mais specialement quand elle se mesle des choses diuines. Qui le sent plus cuidemment que nous ? Car encores que nous luy ayons donné des principes certains et infallibles, encore que nous esclairions ses pas par la saincte lampe de la verité, qu’il a pleu à Dieu nous communiquer : nous voyons pourtant iournellement, pour peu qu’elle se démente du sentier ordinaire, et qu’elle se destourne ou escarte de la voye tracée et battuë par l’Eglise, comme tout aussi tost elle se perd, s’embarrasse et s’entraue, tournoyant et flotant dans cette mer vaste, trouble, et ondoyante des opinions humaines, sans bride et şans but. Aussi tost qu’elle pert ce grand et commun chemin, elle se va diuisant et dissipant en mille routes diuerses.L’homme ne peut estre que ce qu’il est, ny imaginer que selon sa portée. C’est plus grande presomption, dit Plutarque, à ceux qui ne sont qu’hommes, d’entreprendre de parler et discourir des Dieux, et des demyDieux, que ce n’est à vn homme ignorant de musique, vouloir iuger de ceux qui chantent : ou à vn homme qui ne fut iamais au camp, vouloir disputer des armes et de la guerre, en presumant comprendre par quelque legere coniecture, les effects d’vn art qui est hors de sa cognoissance.L’ancienneté pensa, ce croy-ic, faire quelque chose pour la grandeur diuine, de l’apparier à l’homme, la vestir de ses facultez, et estrener de ses belles humeurs et plus honteuses necessitez : luy offrant de nos viandes à manger, de nos danses, momimerics et farces à la resiouir : de nos vestemens à se couurir, el maisons à loger, la caressant par l’odeur des encens et sons de la musique, festons et bouquets, et pour l’accommoder à noz vicieuses passions, flatant sa iustice d’vue inhumaine vengeance : l’esiouïssant de la ruine et dissipation des choses par elle creées et conseruées. Comme Tiberius Sempronius, qui fit brusler pour sacrifice à Vulcan, les riches despouilles et armes qu’il auoit gaigné sur les ennemis en la Sardeigne : et Paul Emyle, celles de Macedoine, à Mars et à Mineruc. El Alexandre, arriué à l’Ocean Indique, ietta en mer en faueur de Thetis, plusieurs grands vases d’or remplissant en outre ses autels d’vne boucherie non de bestes innocentes seulement, mais d’hommes aussi : ainsi que plusieurs nations, et entre autres la nostrc, auoyent en vsage ordinaire. El croy qu’il n’en est aucune exemple d’en auoir faict essay.
Sulmone creatos
Quattuor hic iuuenes totidem, quos educat Vfens,
Viuentes rapit, inferias quos immotet vmbris.
