Coniugis antè coacta noui dimitlere collum,
Quàm veniens vna atque altéra rursus hyems
Noctibus in longis auidum salurasset amorem,
luy fist elle mesme requeste par courtoisie de luy rendre son prisonnier :
comme il fit, la noblesse Françoise, ne refusant iamais
rien aux Dames.Semble-il pas que ce soit vn sort artiste ? Constantin
fils d’Helene fonda l’Empire de Constantinople : et tant de
siècles après Constantin fils d’Helene le finit. Quelquefois il luy
plaist enuier sur nos miracles. Nous tenons que le Roy Clouis assiégeant
Angoulesme, les murailles cheurent d’elles mesmes par
faueur diuine. Et Bouchet emprunte de quelqu’aulheur, que le Roy
Robert assiégeant vne ville, et s’estant desrobé du siège, pour
aller à Orléans solemnizer la feste Sainct Aignan, comme il estoit
en deuotion, sur certain point de la Messe, les murailles de la ville
assiégée, s’en allèrent sans aucun effort en ruine. Elle fit tout à
contrepoil en nos guerres de Milan : car le Capitaine Rense assiégeant
pour nous la ville d’Eronne, et ayant faict mettre la mine
soubs vn grand pan de mur, et le mur en estant brusquement
enleué hors de terre, recheut toutes-fois tout empenné, si droit
dans son fondement, que les assiégez n’en vausirent pas moins.Quelquefois elle fait la médecine. Iason Phereus estant abandonné
des médecins, pour vne aposteme, qu’il auoit dans la poitrine,
ayant enuie de s’en défaire, au moins par la mort, se ietta en
vne bataille à corps perdu dans la presse des ennemis, où il fut
blessé à trauers le corps, si à point, que son aposteme en creua, et
guérit. Surpassa elle pas le peintre Protogenes en la science de
son art ? Cettuy-cy ayant parfaict l’image d’vn chien las et recreu,
à son contentement en toutes les autres parties, mais ne pouuant
représenter à son gré l’escume et la baue, despité contre sa besongne,
prit son esponge, et comme elle estoit abreuuee de diuerses
peintures, la ietta contre, pour tout effacer : la fortune porta
tout à propos le coup à l’endroit de la bouche du chien, et y parfournit
ce à quoy l’art n’auoit peu attaindre. N’adresse elle pas
quelquefois nos conseils, et les corrige ? Isabel Royne d’Angleterre,
ayant à repasser de Zelande en son Royaume, auec vne armée,
en faueur de son fils contre son mary, estoit perdue, si elle fust
arriuee au port qu’elle auoit proietté, y estant attendue par ses ennemis :
mais la fortune la ietta contre son vouloir ailleurs, où elle
print terre en toute seureté. Et cet ancien qui ruant la pierre à
vn chien, en assena et tua sa marastre, eut-il pas raison de prononcer
ce vers :
La fortune a meilleur aduis que nous.Icetes auoit prattiqué
