mais chasque cité et chasque vacation a sa ciuilité particulière. I’y ay esté assez soigneusement dressé en mon enfance, et ay vescu en assez bonne compaignie, pour n’ignorer pas les loix de la nostre Françoise : et en tiendrois eschole. I’aime à les ensuiure, mais non pas si couardement, que ma vie en demeure contraincte. Elles ont quelques formes pénibles, lesquelles pourueu qu’on oublie par discretion, non par erreur, on n’en a pas moins de grâce. I’ay veu souuent des hommes inciuils par trop de ciuilité, et importuns de courtoisie.C’est au demeurant vne tres-vtile science que la science de l’entregent. Elle est, comme la grâce et la beauté, conciliatrice des premiers abords de la société et familiarité : et par conséquent nous ouure la porte à nous instruire par les exemples d’autruy, et à exploitter et produire nostre exemple, s’il a quelque chose d’instruisant et communicable.
CHAPITRE XIIII.
sans raison.
a vaillance a ses limites, comme les autres vertus : lesquels franchis,
on se trouue dans le train du vice : en manière que par
chez elle on se peut rendre à la témérité, obstination et folie, qui
n’en sçait bien les bornes, malaisez en vérité à choisir sur leurs
confins. De cette considération est née la coustume que nous auous
aux guerres, de punir, voire de mort, ceux qui s’opiniastrent à défendre
vne place, qui par les règles militaires ne peut estre soustenue.
Autrement soubs l’espérance de l’impunité il n’y auroit
poullier qui n’arrestast vne armée.Monsieur le Connestable de
Mommorency au siège de Pauie, ayant esté commis pour passer
le Tesin, et se loger aux fauxbourgs S. Antoine, estant empesché
d’vne tour au bout du pont, qui s’opiniastra iusques à se faire
batre, feit pendre tout ce qui estoit dedans : et encore depuis
accompagnant Monsieur le Dauphin au voyage delà les monts,
ayant prins par force le Chasteau de Villane, et tout ce qui estoit
dedans ayant esté mis en pièces par la furie des soldats, hors-
