Cette page n’a pas encore été corrigée
CXVIII DU PRESTRE QUI DIST LA PASSION Paris, Bibl. nat., Mss. fr. 191 S 2, fol. 64 v° à 65 r°. ire vos vueil une merveille, A qui nule ne s’apareille, D’un prestre sot et mal séné, [Qui le venredi aouré Ot commencié le Dieu service. Ja furent venu à l’yglise La gent, et il fu revestuz ; Mais il ot perdu ses festuz. Lor le commence à reverser Et toz les fielz à retorner, Mais jusqu’au jor Ascenssion N’i trovast il la Passion ; Et li vilain molt se hastoient Que tôt ensamble s’escrioient Qu’il les faisoit trop jeûner; Quar il estoit tens de disner, S’il eùst le servise fait. Que vos feroie plus lonc plait? Tant huchierent et ça et là Que li prestres lor commença
