Page:Montaiglon - Recueil général et complet des fabliaux des 13e et 14e siècles, tome V.djvu/253

CXXXVII LE LAI D’ARISTOTE Paris, Bibl. nat., Mss. fr. 837, fol. 80 v° à 83 r°; 1593, fol. 1 54 r° à 1 56 v°; nouv. acq. 1 104, fol. 69 v° à 7» r°; 191 5a, fol. 171 v° à 173 v°. e biaus mos conter et retrere Ne se doit on mie retrere, •Ainz doit on volentiers entendre .Biaus mos, quar on i puet aprendre Sens et cortoisie en l’oïr, Dont bien se doivent esjoïr Li bon, quar c’est droiz et coustume; Mais li mauves en font l’enfrume Esraument que il dire l’oent, Qu’ausi com li bon le bien loent, Et vont la bone gent prisant, Les despisent li mesdisant Quant il pis ne lor pueent fere; Quar envie est de tel afere Qu’ele maint tout adès el cuer De ceus qui sont mis à tel fuer Qu’il n’oent de nului bien dire Qu’il ne le vueillent contredire. Si me merveil por qoi lor poise. Gent felonesse et peu cortoise,