Page:Montaiglon - Recueil général et complet des fabliaux des 13e et 14e siècles, tome V.djvu/119

CXXII

LE JUGEMENT

DES CONS

Paris, Bibl. nat., Mss. fr. 837, fol. 171 v^o à 172 v^o.^[1]

1
Cist fabliaus nous dist et raconte
Qu’il ot jadis, desouz le conte
De Blois, .I. homme qui avoit
.III. filles, dont mout desirroit
5Qu’eles venissent à honor.
Eles amoient par amor
.I. bacheler mout bel et gent,
Qui estoit mout de bone gent ;
Mès il n’estoit mie mout riches,
10Et si n’estoit avers ne chiches.
Toutes .III. lor fet bon samblant,
A chascune avoit couvenant
Que il les prendra à moillier.
Toutes .III. l’orent forment chier :
15Or vous dirai de lor afere.
L’ainsnée ne se pot plus tere,
Ainz dist à sa suer qu’ele amoit
.I. bacheler qui biaus estoit.
L’autre respont : « Qui est il dont ?
20— C’est Robinès d’outre le pont.

1. CXXII. — Le Jugement des cons, p. 109.

   Publié par Barbazan, III, 174, et par Méon, III, 466-471.