Page:Montaiglon - Recueil général et complet des fabliaux des 13e et 14e siècles, tome IV.djvu/103

XCVII

DE BARAT ET DE HAIMET

ou

DES TROIS LARRONS

[par jean de boves]

Paris, Bibl. nat., Mss. fr. 83₇, fol. 51 r^o à 54 r^o et 191 52,

fol. 52 r^o à 54 r^o ; Bibl. de Berne, Mss. 354,

fol. 103 v^o à 108 r^o.

 
Cis fabliaus dist, seigneur baron,
Que jadis furent troi larron
D’une compaignie assamblé :
Maint avoir avoient emblé
A gent de siècle et à convers.
Li uns avoit à non Travers ;
As autres.ii. n’apartenoit,
Mes lor compaignie tenoit.
Li autre estoient germain frere,
S’avoit esté penduz lor père ;
C’est à larron daarrain mès.
Li uns avoit à non Haimès,
Et Baras ses freres germains,
Qui ne resavoit mie mains
Du mestier con li autre doi.
.I. jor s’en alerent tuit troi