Le texte de cette page a été corrigé et est conforme au fac-similé.
282
67
du prestre et des .ii. ribaus
Quar ainçois ne seroit remis :
Si m’aït Diex et sainz Remis,
En cest an que je plus i mont. »
Li prestres est montez amont,
Atout le frain si le ratache,
Des esperons le cheval daque,
Puis lor escrie à haute vois :
« Adieu, seignor, quar je m’en vois,
Li chevaus n’est hui mes voz ostes,
Quar tost eüst maigres les costes
S’il fust auques en vo baillie ;
Sa provende li fust baillie
Plus sovent de cops que d’avaine,
Quar sovent feïst l’etrivaine. »
Atant s’en va, si les degane,
Li prestres ainsi les engane,
Atant s’en va, si les esbuffe ;
Par son malice et par sa buffe
Rot son cheval, si l’ala prendre,
Et por ce fet il bon aprendre
Guile et barat, ce est la somme,
Quar mestier ont eu maint homme.
Explicit du Prestre et des .II. Ribaus.
